အခါတစ်ပါး၌ မြတ်စွာဘုရားသည် ဝေသာလီပြည် မဟာဝုန်တော ပြာသာဒ်ဆောင် ပေါက်သော ကျောင်းကြီး၌ (သီတင်းသုံး) နေတော်မူ၏။ ထိုအခါ မြတ်စွာဘုရား သည် နံနက်အချိန်၌ သင်္ကန်းကို ပြင်ဝတ်၍ သပိတ်သင်္ကန်းကို ယူတော်မူပြီးလျှင် ဝေသာလီပြည်သို့ ဆွမ်းခံဝင်တော်မူ၏။
ထိုအခါ သာရန္ဒဒစေတီ၌ စုဝေး နေထိုင်ကုန်သော ငါးရာမျှသော လိစ္ဆ၀ီမင်းတို့အား ဤအကြား စကားသည် ဖြစ်ပေါ်၏။
လောက၌ ရတနာငါးမျိုးတို့၏ ထင်ရှား ဖြစ်ပေါ်မှုကို ရခဲ၏။အဘယ်ငါးမျိုးတို့နည်းဟူမူ -
၁...လောက၌ ဆင်ရတနာ၏ ထင်ရှား ဖြစ်ပေါ်မှုကို ရခဲ၏။
၂...လောက၌ မြင်းရတနာ၏ ထင်ရှား ဖြစ်ပေါ်မှုကို ရခဲ၏။
၃...လောက၌ ပတ္တမြား (ကျောက်မျက်) ရတနာ၏ ထင်ရှား ဖြစ်ပေါ်မှုကို ရခဲ၏။
၎...လောက၌ မိန်းမရတနာ၏ ထင်ရှား ဖြစ်ပေါ်မှုကို ရခဲ၏။
၅...လောက၌ သူဌေးရတနာ၏ ထင်ရှား ဖြစ်ပေါ်မှုကို ရခဲ၏။
လောက၌ ဤရတနာငါးမျိုးတို့၏ ထင်ရှား ဖြစ်ပေါ်မှုကို ရခဲ၏ ဟု
(ဤအကြားစကားသည် ဖြစ်ပေါ်၏)။
ထိုအခါ ထိုလိစ္ဆ၀ီမင်းတို့သည် {{အချင်းယောက်ျား သင်သည် မြတ်စွာဘုရားကို တွေ့မြင်သောအခါ ငါတို့အား ပြောကြားလှည့်လော့}} ဟု (ဆို၍) လမ်းခရီး၌ မင်းချင်း ယောက်ျားကို ထားကြကုန်၏။
ထိုမင်းချင်း ယောက်ျားသည် မြတ်စွာဘုရား ကြွလာတော်မူသည်ကို အဝေးမှပင် မြင်၍ လိစ္ဆ၀ီမင်းတို့ထံသို့ ချဉ်းကပ်ပြီးလျှင် -
{{အရှင်တို့ ပူဇော်အထူးကို ခံတော်မူထိုက်သော (အလုံးစုံသော တရားတို့ကို) ကိုယ်တိုင်မှန်စွာ သိတော်မူသော ထိုမြတ်စွာဘုရားသည် ကြွလာတော်မူပါ၏၊ ယခု အခါ (ဖူးမြော်ရမည့်) အချိန်အခါကို အရှင်တို့ သိပါ၏ (ဖူးမြော်ရန်မှာ အရှင်တို့ အလိုအတိုင်းပင် ဖြစ်ပါ၏)}} ဟု လျှောက်တင်၏။
ထို့နောက် ထိုလိစ္ဆ၀ီမင်းတို့သည် မြတ်စွာဘုရားထံသို့ ချဉ်းကပ်၍ ရှိခိုးပြီးလျှင် တစ်ခု သော နေရာ၌ ရပ်နေကြကုန်လျက် မြတ်စွာဘုရားအား ဤစကားကို လျှောက်ကုန် ၏။ {{အသျှင်ဘုရား တောင်းပန်ပါ၏၊ သနားစောင့်ရှောက်ခြင်းကို အကြောင်းပြု၍ သာရန္ဒဒစေတီသို့ ချဉ်းကပ်တော်မူပါ}} ဟု လျှောက်ကြကုန်၏။
မြတ်စွာဘုရားသည် ဆိတ်ဆိတ် နေတော်မူခြင်းဖြင့် လက်ခံတော်မူ၏။
ထို့နောက် မြတ်စွာဘုရားသည် သာရန္ဒဒစေတီသို့ ချဉ်းကပ်၍ ခင်းထားသော နေရာ ၌ ထိုင်တော်မူပြီးလျှင် ထိုလိစ္ဆ၀ီမင်းတို့အား -
{{လိစ္ဆ၀ီမင်းတို့ ယခုအခါ၌ အဘယ်စကားဖြင့် စုဝေးထိုင်နေကုန်သနည်း၊ သင်တို့ အား မပြီးပြတ်သေးသော အကြားစကားသည် အဘယ်နည်း}} ဟု မေးတော်မူ၏။
အသျှင်ဘုရား ဤအရပ်၌ စုဝေး ထိုင်နေကုန်သော အကျွန်ုပ်တို့အား ဤမပြီးပြတ် သေးသော အကြားစကားသည် ထင်ရှား ဖြစ်ပေါ်ပါ၏။
လောက၌ ရတနာငါးမျိုးတို့၏ ထင်ရှား ဖြစ်ပေါ်မှုကို ရခဲ၏။
အဘယ်ငါးမျိုးတို့နည်းဟူမူ - ။ ပ ။
လောက၌ ဤရတနာငါးမျိုးတို့၏ ထင်ရှား ဖြစ်ပေါ်မှုကို ရခဲ၏ ဟု
ဤမပြီးပြတ်သေးသော အကြားစကားသည် ဖြစ်ပေါ်ပါ၏ ဟူ၍ လျှောက်ကြကုန်၏။
အချင်းတို့ ကာမဂုဏ်၌ နှလုံးသွင်းရှိကုန်သော လိစ္ဆ၀ီမင်းတို့အား ကာမဂုဏ်ကို သာလျှင် အကြောင်းပြု၍ မပြီးပြတ်သေးသော အကြားစကားသည် ထင်ရှား ဖြစ်ပေါ်၏တကား။
လိစ္ဆ၀ီမင်းတို့ လောက၌ ရတနာငါးမျိုးတို့၏ ထင်ရှား ဖြစ်ပေါ်မှုကို ရခဲ၏။
အဘယ်ငါးမျိုးတို့နည်းဟူမူ -
၁...
လောက၌ ပူဇော်အထူးကို ခံတော် မူထိုက်သော (အလုံးစုံသော တရားတို့ကို) ကိုယ်တိုင်မှန်စွာ သိတော်မူသော မြတ်စွာဘုရား၏ ထင်ရှား ဖြစ်ပေါ်မှုကို ရခဲ၏။
၂...
လောက၌ မြတ်စွာဘုရား ဟောကြားတော်မူသော ဓမ္မ၀ိနယကို ဟောပြောတတ် သော ပုဂ္ဂိုလ်ကို ရခဲ၏။
၃...
လောက၌ မြတ်စွာဘုရား ဟောကြားတော်မူသော ဓမ္မ၀ိနယကို ဟောကြားအပ် သည် ရှိသော် သိတတ်သော ပုဂ္ဂိုလ်ကို ရခဲ၏။
၎...
လောက၌ မြတ်စွာဘုရား ဟောကြားတော်မူသော ဓမ္မ၀ိနယကို ဟောကြားအပ် သည် ရှိသော် သိသည့်အတိုင်း တရားနှင့်အညီ ကျင့်သော ပုဂ္ဂိုလ်ကို ရခဲ၏။
၅...
လောက၌ သူပြုဖူးသော ကျေးဇူးကို သိ၍ သူပြုဖူးသော ကျေးဇူးကို ထင်ရှားအောင် ပြုလေ့ရှိသော ပုဂ္ဂိုလ်ကို ရခဲ၏။
လိစ္ဆ၀ီမင်းတို့ ဤရတနာငါးမျိုးတို့၏ ထင်ရှား ဖြစ်ပေါ်မှုကို လောက၌ ရခဲ၏ ဟု (မိန့်တော်မူ၏)။
သာရန္ဒဒသုတ်၊ တိကဏ္ဍကီဝဂ်၊ ပဉ္စကနိပါတ်၊ အင်္ဂုတ္တိုရ်ပါဠိတော်။
No comments:
Post a Comment